Türkiyədə ölkə ərazisini qanunsuz yollarla tərk etmək istəyən miqrantlar saxlanılıb
İstanbul, 21 sentyabr, AZƏRTAC
Türkiyənin Muğla vilayətinin Datça rayonunun sahillərinə yaxın bölgədə ölkə ərazisini qanunsuz yollarla tərk etmək istəyərkən boğulmaq təhlükəsi ilə üzləşən 48 miqrant xilas edilib.
AZƏRTAC xəbər verir ki, Türkiyənin Sahil Mühafizə Xidmətindən verilən açıqlamaya görə, rezin qayıqlarla Yunanıstana keçmək istəyən bu şəxslər yunan tərəfindən geri göndərilib. Məlumata əsasən, eyni bölgədə ölkə ərazisini qanunsuz yollarla tərk etmək istəyən daha 29 miqrant saxlanılıb.
Bu şəxslər ölkələrinə geri göndərilmək üçün aidiyyəti qurumlara təhvil verilib.
Günel Məlikova
AZƏRTAC-ın xüsusi müxbiri
İstanbul
Türkiyə Silahlı Qüvvələri son bir həftədə 38 terrorçunu zərərsizləşdirib
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur