Nazir müavini: Bizim məqsədimiz əsrlər boyu qoruduğumuz mədəniyyəti gələcək nəsillərə ötürməkdir
Bakı, 20 sentyabr, AZƏRTAC
Mədəniyyətin iqtisadiyyatı ilə mədəni iqtisadiyyat arasında fərq var. Mədəni iqtisadiyyat dayanıqlı inkişafin əsas alətlərindən biridir. Nəzər salsaq görərik ki, ən varlı ölkə ilə ən kasıb ölkə arasında fərq əsrlər keçdikcə artıb. Bir çox tədqiqatçılar bu fərqi ayrı-ayrı xalqların mədəniyyəti ilə əlaqələndirir. Yaponiyaya fikir versək orada böyük sıçrayış olduğunu görərik. Bu ölkədə mədəniyyətin zənginliyi istənilən sahənin inkişafına təsir etmişdir.
AZƏRTAC xəbər verir ki, bunu elm və təhsil nazirinin müavini Firudin Qurbanov “Azərbaycanda mədəniyyət iqtisadiyyatı: Şuşadan inkişaf impulsları" adlı beynəlxalq elmi-praktik konfransda çıxışı zamanı deyib.
Konfransın Şuşada başlanılmasının təsadüfi olmadığını deyən F.Qurbanov bildirib ki, Qarabağda bir çox mədəniyyət ocaqları - kitabxanalar, təhsil ocaqları dağıdılıb: “İndi bizim tarixi abidələrimiz, Bülbülün ev-muzeyi və s. bərpa olunur. Dövlətimiz Azərbaycanın inkişafını mədəni sərvətlərlə bağlayır. Bu bizi sevindirir. Bizim məqsədimiz əsrlər boyu qoruduğumuz mədəniyyəti gələcək nəsillərə ötürməkdir”.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir