Bakı, 19 sentyabr, AZƏRTAC

Bakı Şəhər Mədəniyyət Baş İdarəsi “8 Mart” adına Mədəniyyət evində vətənimizin müqəddəs torpaqları uğrunda canından keçərək şəhid olmuş igid əsgərlərin xatirəsi yad edilib.
Baş İdarədən AZƏRTAC-a bildirilib ki, əvvəlcə Azərbaycan Respublikasının Dövlət Himni səsləndirilib və şəhidlərimizin xatirəsi bir dəqiqəlik sükutla yad edilib.
Tədbir zamanı şəhidlər haqqında və onların amansız düşmənlə necə cəsarət və igidliklə vuruşduqlarından söhbət açılıb və gələcəyimiz olan uşaqlara vətənpərvərlik ruhu aşılanıb.