Bakı, 19 sentyabr, AZƏRTAC
Bakı Şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminin Mərkəzi Kitabxanasının Uşaq şöbəsi “Sevimli Gülzar nənə” adlı viktorina təşkil edib.
Kitabxanadan AZƏRTAC-a bildirilib ki, kitabxananın əməkdaşı Elvira Məmmədova həftə ərzində kitabxanaya gələn oxuculara uşaqların sevimli yazıçısı və 100-dən çox kitabın müəllifi Gülzar İbrahimova haqqında 5 sual ünvanlayıb. Suallara doğru cavab verən iştirakçı Əzizə Usubova müsabiqənin qalibi seçilib. Qalibə Gülzar İbrahimovanın “Bir zalım padşahın nağılı” adlı kitabı təqdim edilib.