Samir Məmmədov: Rəqəmsal hökumətin inkişafı dəqiq proqnozlaşdırıla bilən iqtisadiyyatı əlçatan edəcək
Bakı, 16 sentyabr, AZƏRTAC
Rəqəmsal hökumətin inkişafı nəticəsində daha çox məlumat əldə etmək, dövlət-özəl tərəfdaşlığını möhkəmləndirmək, məlumat analitikası, süni intellekt və digər məlumatlara əsaslanan alqoritmləri təkmilləşdirmək olar.
AZƏRTAC xəbər verir ki, bu sözləri rəqəmsal inkişaf və nəqliyyat nazirinin müavini Samir Məmmədov sentyabrın 16-da “Rəqəmsal iqtisadiyyatda hesabatlılıq və şəffaflıq” mövzusunda keçirilən beynəlxalq elmi-praktiki konfransda deyib.
O bildirib ki, nəticədə ümumi dövlət xərclərinin azaldılmasına, dəqiq proqnozlaşdırıla bilən iqtisadiyyata və iqtisadi artıma, dövlət daxilində proseslərin real vaxt rejimində izlənməsinə nail olmaq asanlaşacaq: “Prezident İlham Əliyevin Fərmanına əsasən, “AzInTelecom” MMC vasitəsilə hökumət qurumları bulud əsaslı sistemə keçir. MMC-nin Bakı və Yevlax Data mərkəzləri coğrafi alternativliyi təmin etməklə dayanıqlı informasiya texnologiyaları xidməti üzrə müxtəlif beynəlxalq sertifikatlara malikdir. Hazırda 70-dən artıq dövlət qurumunun informasiya sistemləri və ehtiyatları tam və ya qismən data mərkəzinə yerləşdirilib”.
Samir Məmmədov vurğulayıb ki, ikinci mühüm layihələrdən biri “SİMA” bulud əsaslı müasir rəqəmsal imzadır. Artıq “SİMA” proqram təminatının mobil cihazlarda yüklənmə sayı 50 mini ötüb. Hazırda 12 dövlət və özəl qurumun bu sistemə inteqrasiyası baş tutub, 70-dən çox qurum isə inteqrasiya prosesi mərhələsindədir.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb