“Taxıl dəhlizi” vasitəsilə Ukraynadan 3,1 milyon ton məhsul ixrac edilib
Kiyev, 14 sentyabr, AZƏRTAC
"Taxıl təşəbbüsü"nün həyata keçirilməsi çərçivəsində sentyabrın 14-də Ukrayna ərzaq məhsulları ilə dolu daha 5 gəmi “Odessa”, “Çornomorsk” və “Cənub” limanlarını tərk edib.
AZƏRTAC xəbər verir ki, bu barədə Ukrayna İnfrastruktur Nazirliyi məlumat yayıb.
Qeyd edilib ki, gəmilərin göyərtəsində ümumilikdə 153 min ton kənd təsərrüfatı məhsulu var. Gəmilər Afrika və Avropa ölkələrinə yola düşüb.
Vurğulanıb ki, “taxıl dəhlizi” işə başlayandan 1,5 ay müddətində 3,1 milyon ton Ukrayna kənd təsərrüfatı məhsulu ixrac edilib. Ümumilikdə Ukrayna limanlarından kənd təsərrüfatı məhsulları daşıyan 134 gəmi Asiya, Avropa və Afrika ölkələrinə yola salınıb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır