Aİ ilin əvvəlindən bəri Rusiyadan neft idxalını sutkada 880 min barrel azaldıb
Bakı, 14 sentyabr, AZƏRTAC
2022-ci ilin əvvəlindən bu yana Avropa İttifaqı ölkələrinə Rusiya neftinin tədarükü sutkada 880 min barel azalaraq 1,7 milyon barrel təşkil edib. Həmin müddət ərzində Avropa ABŞ-dan neft idxalını sutkada 400 min barrel artıraraq 1,6 milyon barelə çatdırıb.
AZƏRTAC xarici KİV-ə istinadla xəbər verir ki, bu barədə Beynəlxalq Enerji Agentliyinin hesabatında deyilir.
Hesabatda əsasən, İraq, Norveç, Qayana və Səudiyyə Ərəbistanından da Avropa ölkələrinə neft tədarükü artıb. Buna baxmayaraq, Avropa İttifaqı hələ də Rusiyadan sutkada təxminən 600 min barel həcmində dizel yanacağı alır. Ehtimal olunur ki, gələn ilin fevral ayından başlayaraq Rusiyadan tədarük olunan yanacaq digər ölkələrdən gələn təchizatla əvəzlənəcək.
Beynəlxalq Enerji Agentliyinin məlumatına görə, 2023-cü ilin sonunadək Küveyt, Nigeriya və Meksikada dünya üzrə neft məhsullarının tədarükünü artıran iri emal layihələri istismara veriləcək.
“Emirates” aviakompaniyası müntəzəm uçuş cədvəlini bərpa edib
Paşinyan: Azərbaycanla sərhədin delimitasiyasından sonra Rusiya sərhədçiləri Tavuşdan çıxacaq
Çində Qərbi Sakit okean dəniz simpoziumunun 19-cu iclası keçiriləcək
Ermənistanda sakinlər suvarma suyunun qiymətinin bahalığına görə yolu bağlayıblar
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb