×
A
A
A
Sazlamalar

Çin lideri Si Cinpinin Qazaxıstana dövlət səfəri başlayıb

Pekin, 14 sentyabr, AZƏRTAC

Çin Xalq Respublikasının (ÇXR) Sədri Si Cinpinin sentyabrın 14-də Qazaxıstana dövlət səfəri başlayıb.
AZƏRTAC xəbər verir ki, Qazaxıstan Prezidenti Kasım-Jomart Tokayevin dəvəti ilə baş tutan səfər Sədr Si Cinpinin pandemiya dövründə xaricə ilk səfəridir. İki ölkə arasında diplomatik münasibətlərin qurulmasının 30-cu ildönümünə təsadüf edən səfər zamanı liderlər Çin-Qazaxıstan hərtərəfli strateji tərəfdaşlığının möhkəmləndirilməsi perspektivlərini müzakirə edəcəklər. Danışıqların yekunu olaraq bir neçə sənəd imzalanacaq.
Qeyd edək ki, ÇXR Sədri Si Cinpin Qazaxıstandan sonra Özbəkistana səfər edəcək və Şanxay Əməkdaşlıq Təşkilatının Səmərqənddə keçiriləcək dövlət başçıları zirvə görüşünə qatılacaq.
Şahin Cəfərov
AZƏRTAC-ın xüsusi müxbiri
Pekin 

Dünya 2022-09-14 13:06:00