Avropa İttifaqı Ukraynadan elektrik enerjisi idxalını artırmaq niyyətindədir
Bakı, 14 sentyabr, AZƏRTAC
Brüssel Kiyevin Avropa İttifaqının vahid bazarına çıxışını asanlaşdırmaq və Ukrayna telekommunikasiya operatorları üçün rouminqin ləğvi müqabilində bu ölkədən elektrik enerjisi idxalını əhəmiyyətli dərəcədə artırmağı planlaşdırır.
AZƏRTAC xarici KİV-ə istinadla xəbər verir ki, bu barədə Avropa Komissiyasının rəhbəri Ursula fon der Lyayen Avropa Parlamentinin Strasburqda keçirilən sessiyasında ittifaqın vəziyyətinə dair çıxışı zamanı deyib.
"Mart ayında Ukraynanı vahid enerji şəbəkəmizə birləşdirdik. Bu gün Ukrayna Avropa İttifaqına elektrik enerjisi ötürür. Bu müsbət ticarət mübadiləsini əhəmiyyətli dərəcədə artırmaq istərdim", - deyə Ursula fon der Lyayen bildirib.
O, bundan öncə Brüsselin daxili bazara çıxarılan Ukrayna məhsullarına gömrük rüsumlarını ləğv etdiyini xatırladaraq deyib. “Biz, həmçinin Ukraynanı Avropanın rouminqdən azad zonasına daxil edəcəyik. Eyni zamanda, Avropa Komissiyası Ukraynanın daxili bazara maneəsiz çıxışını təmin edəcək”.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır