Tehran, 14 sentyabr AZƏRTAC

İran Prezidenti İbrahim Rəisi və Rusiya Prezidenti Vladimir Putin sentyabrın 15-16-da Səmərqənddə keçiriləcək Şanxay Əməkdaşlıq Təşkilatının (ŞƏT) sammitində görüşəcəklər.
AZƏRTAC İran mətbuatına istinadla xəbər verir ki, görüşdə İranın təşkilata tamhüquqlu üzvlük məsələsi ilə yanaşı, Suriya və Cənubi Qafqazdakı vəziyyət də müzakirə olunacaq.
Qeyd edək ki, Qərbin hər iki ölkəyə tətbiq etdiyi iqtisadi sanksiyalar onların daha yaxın əməkdaşlıq əlaqələri qurmasını şərtləndirib.
Qeyd edək ki, ŞƏT-ə Orta Asiya respublikaları ilə yanaşı, Rusiya, Türkiyə, Pakistan və Çin də daxildir.

Rabil Kətanov
AZƏRTAC-ın xüsusi müxbiri
Tehran