×
A
A
A
Sazlamalar

Bakıda “Gimnastika hamı üçün” məşğələləri təşkil olunub

Bakı, 5 sentyabr, AZƏRTAC

Gənclər və İdman Nazirliyinin “İdman hamı üçün” layihəsi çərçivəsində Azərbaycan Gimnastika Federasiyası ilə birgə “Gimnastika hamı üçün" məşğələləri təşkil edilib.
AZƏRTAC xəbər verir ki, Bakı Konqres Mərkəzinin ərazisində baş tutan tədbirdə paytaxt sakinləri iştirak ediblər.
Tədbirdə müxtəlif musiqili-nümunəvi çıxışlar təqdim edilib. Bütün yaş kateqoriyasından olan insanlar proqrama qoşularaq, gimnastika mütəxəssislərinin rəhbərliyi altında isinmə, gimnastika, rəqs hərəkətlərini yerinə yetiriblər.
Qeyd edək ki, əyləncəli idman tədbirinin təşkilində məqsəd əhali arasında gimnastikanın təbliği, idmana marağın artırılması, sağlam həyat tərzinə çağırış, asudə vaxtın səmərəli təşkilidir.

İdman 2022-09-05 11:06:00