Bakı, 5 sentyabr, AZƏRTAC

Ümumdünya Kapoeyra Federasiyasının İdarə Heyətinə azərbaycanlı üzv seçilib.
AZƏRTAC xəbər verir ki, Ümumdünya Kapoeyra Federasiyasının rəhbər orqanlarına, həmçinin İdarə Heyətinə seçkilər keçirilib.
Seçkilərdə namizədliyini irəli sürən Azərbaycan Kapoeyra Federasiyasının Məşqçilər Kollegiyasının sədri və baş məşqçisi, beynəlxalq dərəcəli hakim Elgiz Əlizadə İdarə Heyətinə üzv seçilib.
Səsvermədə Avstraliya, Estoniya, İran, Benin və digər ölkələr Azərbaycan təmsilçisinin lehinə olublar.