Bakı, 3 sentyabr, AZƏRTAC

Suraxanıda marşrut avtobusunda qadının cüzdanı oğurlanıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayon polis idarəsinin 31-ci polis bölməsi əməkdaşlarının keçirdikləri əməliyyat tədbiri nəticəsində Əmircan qəsəbəsi ərazisində marşrut avtobusunda qadın sərnişinin içərisində 243 manat pulu və bank kartı olan cüzdanını oğurlamaqda şübhəli bilinən Bakı şəhər sakini, əvvəllər oğurluğa və narkotiklərlə əlaqəli cinayətlərə görə məhkum olunmuş R.Əliyev müəyyən edilərək saxlanılıb.
Faktla bağlı təhqiqat aparılır.