Bakı, 2 sentyabr, AZƏRTAC

Nərimanov Rayon Polis İdarəsi əməkdaşlarının keçirdikləri əməliyyat tədbiri nəticəsində Salyan rayon sakini, əvvəllər məhkum olunmuş E.Nəcəfov saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, şəxsi axtarış zamanı onda heroin aşkar edilib. Araşdırmalarla onun paytaxt ərazisində kirayədə yaşadığı mənzilə baxış zamanı oradan əlavə 1,5 kiloqram heroin aşkarlanaraq götürülüb.
Nizami rayonunda Bakı şəhər sakini, əvvəllər məhkum olunmuş Ü.Musayev rayon polis idarəsinin 25-ci polis şöbəsi əməkdaşlarının keçirdikləri əməliyyat tədbiri nəticəsində yaxalanıb. Şəxsi axtarış zamanı ondan 102 qramdan artıq heroin aşkarlanıb.
Faktlarla bağlı təhqiqat davam edir.