Bakı, 1 sentyabr, AZƏRTAC

“Mançester Siti” klubu növbəti transferini reallaşdırıb.
AZƏRTAC klubun saytına istinadən xəbər verir ki, Mançester təmsilçisi Dortmund “Borussiya”sından Manuel Akanjini alıb.
İyirmi yeddi yaşlı müdafiəçi ilə beşillik sözləşmə imzalanıb. O, komandada 25 nömrəli formanı geyinəcək.
“Mançester Siti” keçidə görə qarşı tərəfə 18+2 milyon avro ödəyəcək. Oyunçunun maaşı isə illik 11 milyon avro olacaq.
Qeyd edək ki, Manuel 2018-ci ildən "Borussiya"da oynayıb. O, geridə qalan mövsüm 26 matçda 1 qol vurub.