Bakı, 19 avqust, AZƏRTAC
Azərbaycanda Qadın Sahibkarlığının İnkişafı Assosiasiyasının (AQSİA) İdarə Heyətinin sədri Səkinə Babayeva Pakistan Respublikasının Feysəlabad şəhərindən olan nümayəndə heyəti ilə görüşüb.
AQSİA-dan AZƏRTAC-a bildirilib ki, Feysəlabad Qadın Ticarət və Sənaye Palatasının sədri Nighat Shahid və sözügedən şəhərin qadın sahibkarların iştirak etdiyi görüşdə iqtisadi-ticarət əlaqələrinin genişləndirilməsi, sahəvi inkişafın artırılması üçün danışıqlar aparılıb.
Bildirilib ki, görüş hər iki ölkənin qadın sahibkarlarının iqtisadi və siyasi cəhətdən qarşılıqlı əlaqələrinin daha da inkişaf etdirilməsinə töhfə verəcək.