Ağdamda yeni inşa edilmiş kənd kitabxanası istifadəyə verilib
Ağdam, 19 avqust, AZƏRTAC
Ağdam rayonunun Sarıcalı kəndində rayon icra hakimiyyətinin təşəbbüsü ilə Beynəlxalq Qızıl Xaç Komitəsinin Təhsil proqramı layihəsi əsasında tikilən kitabxananın açılışı olub. Açılış mərasimində Ağdam Rayon İcra Hakimiyyətinin başçısı Vaqif Həsənov, Beynəlxalq Qızıl Xaç Komitəsinin Təhsil proqramı üzrə koordinatoru Karla Huver, təhsil işçiləri, kitabsevərlər və kənd sakinləri iştirak ediblər.
AZƏRTAC-ın bölgə müxbiri xəbər verir ki, rayon icra hakimiyyətinin başçısı Vaqif Həsənov tədbirdə çıxış edərək bilik mənbəyi olan kitabların cəmiyyətin tərəqqisinə, insanın mənəvi aləminə müsbət təsirindən danışıb, kitabxananın ərsəyə gəlməsində əməyi olan hər bir kəsə öz minnətdarlığını bildirib. Qeyd edib ki, kitabxana ərazidə yaşayan əhalinin maarifləndirilməsində mühüm rol oynayacaq.
Sonra tədbir iştirakçıları kitabxanada yaradılan şəraitlə tanış olublar.
Göyçayda yol qəzası baş verib, xəsarət alanlar var
Naxçıvandan Qarabağa yollanan şəhid ailələri Füzuli rayonunda olublar
Növbəti aqrar biznes festivalı Qubada təşkil olunub
Naxçıvanda sel sularından səmərəli istifadə təmin edilib
Naxçıvanda saxta zeytun yağları satış dövriyyəsindən kənarlaşdırılıb