Bakı, 18 avqust, AZƏRTAC

Rezidenturaya qəbul imtahanının ikinci mərhələsində iştirak etmək üçün 882 namizəd qeydiyyatdan keçib.
Dövlət İmtahan Mərkəzindən AZƏRTAC-a bildirilib ki, onlardan 282 nəfəri oğlan, 600 nəfəri qızdır. 745 namizəd Azərbaycan bölməsinin, 137 namizəd rus bölməsinin, 369 namizəd cari ilin, 513 namizəd isə əvvəlki illərin məzunudur, 6 nəfər xarici ölkə vətəndaşıdır. Bakı şəhərində 856, Naxçıvan şəhərində isə 26 namizədin imtahan verəcəyi gözlənilir.
Xatırladaq ki, avqustun 21-də Bakı və Naxçıvan şəhərlərində rezidenturaya qəbul imtahanının 2-ci mərhələsi keçiriləcək.