Bakı, 18 avqust, AZƏRTAC

“Sevil Beynəlxalq Qadın Sənədli Film Festivalı”nın “Festivallardan seçmələr” bölməsində yer alan “Bal ölkəsi” sənədli filminin nümayişi keçirilib.
AZƏRTAC xəbər verir ki, onlarla izləyicinin bir araya gəldiyi nümayişdə filmin rejissoru Tamara Kotevska da iştirak edib. Nümayişdən sonra onunla izləyicilər arasında maraqlı müzakirə baş tutub.
Qeyd edək ki, “Bal ölkəsi” ekran əsəri “Sundance” film festivalında üç mükafat və 92-ci akademiya mükafatlarında “Ən yaxşı beynəlxalq bədii film” və “Ən yaxşı sənədli film” kateqoriyalarında iki nominasiya daxil olmaqla, kinofestivallarda çoxsaylı mükafatlar və nominasiyalar qazanıb. “Bal ölkəsi” filmi Oskar tarixində hər iki kateqoriya üzrə nominasiya qazanan ilk sənədli filmdir.