Ağdaşda tərəvəz məhsulları istehsalı artıb
Ağdaş 17 avqust, AZƏRTAC
Ağdaş rayonunda cari ilin yeddi ayında tərəvəz məhsulları istehsalında ötən ilin eyni dövrü ilə müqayisədə xeyli artım olub.
Rayon Statistika İdarəsindən AZƏRTAC-ın bölgə müxbirinə verilən məlumatda bildirilir ki, 2022-ci ilin məhsulu üçün 1215,5 hektarda tərəvəz bitkiləri əkilib. Yanvar-iyul aylarında sahələrdən 27 min 292,2 ton məhsul yığılıb ki, bu da keçən ilin müvafiq dövründəkindən 3437,5 ton çoxdur. Bu il kartof istehsalında da artım olub. Belə ki, 198,6 hektar sahədən 1941,3 ton kartof götürülüb, bu göstərici ötən ildəkindən 6,3 ton artıqdır. İlin yeddi ayında, habelə 220 hektardan 2238,3 ton bostan məhsulları istehsal edilib. Hər hektardan orta məhsuldarlıq tərəvəz bitkiləri üzrə 232,5 sentner, kartof üzrə 97,8 sentner, bostan bitkiləri üzrə 103,5 sentner olub.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb