Narkotik vasitənin təsiri altında avtomobil idarə edən şəxs barədə qanunvericiliyə uyğun tədbirlər görülüb
Bakı, 15 avqust, AZƏRTAC
Baş Dövlət Yol Polisi İdarəsinin Yol Patrul Xidməti Alayının 7-ci taqımının əməkdaşları bu il avqustun 8-də xidmət apardıqları stasionar postda “Range Rover” markalı avtomobil sahibinin məhdudlaşdırılmış sürücülük vəsiqəsi ilə onu idarə etməsinə görə saxlayarkən sürücünün davranışları və zahiri görkəmi onun narkotik vasitələrdən istifadə etdiyinə əsaslı şübhələr yaratdığı üçün nəqliyyat vasitəsi duracağa yerləşdirilib, sürücünün isə tibbi müayinədən keçməsi təmin edilib.
İdarədən AZƏRTAC-a bildirib ki, müayinə zamanı 1991-ci il təvəllüdlü, Göygöl rayonunda qeydiyyatda olan Elvin Abdullayevin həmin nəqliyyat vasitəsini narkotik vasitənin təsiri altında idarə etməsi müəyyən olunub. Onun barəsində inzibati qanunvericiliyə uyğun tədbirlər görülüb.
Bununla yanaşı, saxlanılan nəqliyyat vasitəsində sərnişin qismində gedən avtomobilin sahibi, Gəncə şəhər sakini Kənan Qurbanovun, eləcə də onun həmyerliləri Orxan Bağırov və Seymur Cəfərovun hərəkətləri və zahiri görkəmləri şübhə doğurduğu üçün əraziyə çağırılmış Kürdəmir Rayon Polis Şöbəsinin əməkdaşları ilə birgə onların üzərilərinə baxış keçirilib. Baxış zamanı Kənan Qurbanovun üzərindən küllü miqdarda psixotrop maddəyə bənzər kütlə aşkarlanaraq araşdırılması üçün aidiyyəti üzrə təhvil verilib.
Faktla bağlı araşdırma aparılır.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO