Bakı, 12 avqust, AZƏRTAC

Avtomatik stansiyalardan bu gün saat 18:00-da əldə edilən məlumata əsasən, Bakıda və Abşeron yarımadasında tozlu hava şəraiti müşahidə olunur.
Hidrometeoroloji Proqnozlar Bürosunun direktoru Gülşad Məmmədova AZƏRTAC-a bildirib ki, buna səbəb cənub-şərq istiqamətli hava kütlələrinin ölkə ərazisinə daxil olmasıdır.
G.Məmmədovanın sözlərinə görə, müşahidə olunan tozlu hava şəraiti transsərhəd xarakterlidir. Dispers toz hissəciklərinin Xətai rayonunda 2,6, Nizami rayonunda 2,5, Səbaildə isə 2,7 dəfə normadan yüksək olması qeydə alınıb. Vəziyyətlə əlaqədar olaraq tozlu hava şəraitinin yaxın iki gün ərzində davam edəcəyi bildirilir.