Bakı, 10 avqust, AZƏRTAC

Elm və Təhsil Nazirliyinin birbaşa tabeliyindəki Fizika, riyaziyyat və informatika təmayüllü respublika liseyinin şagirdləri təhsildə yüksək nəticələr əldə edirlər.
Liseydən AZƏRTAC-a bildirilib ki, 2021-2022-ci tədris ili üzrə təhsil müəssisəsinin XI sinif məzunlarından 8 nəfəri - Toğrul Abbasov, Səbuhi Ağayev, Maisə Babayeva, Amin Cəfərzadə, Nihat Mahmudov, Şamil Mantaşlı, Nihat Məmmədli, Nicat Nəsibov qızıl nişana, 3 nəfəri - Rüfət Məmmədov, Yağmur Novruzlu, Vüsət Orucov gümüş nişana layiq görülüb.
Bu il liseyi 99 şagird bitirib, onlar ali təhsil müəssisələrinə qəbul imtahanlarında yüksək nəticələr qazanıblar.