Astara və Lerikdən olan Vətən müharibəsi şəhidlərinin övladları üçün yay düşərgəsi təşkil olunub
Astara, 9 avqust, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin təşkilatçılığı ilə Astarada bu rayondan və Lerikdən olan Vətən müharibəsi şəhidlərinin övladları üçün “Əmanət“ adlı yay düşərgəsi təşkil olunub.
AZƏRTAC xəbər verir ki, iştirakçılar əvvəlcə rayondakı bulvarı ziyarət edərək, buradakı istirahət məkanlarının birində yaradılmış geniş əyləncə imkanlarından istifadə ediblər. Daha sonra təqdim olunan müxtəlif musiqi nömrələri, restoranda yemək və digər əyləncələr uşaqların ürəyincə olub. Şəhid ailələrinin övladlarının asudə vaxtının səmərəli təşkili məqsədi daşıyan düşərgədə 40-a yaxın şəhid uşağı iştirak edib.
Qeyd edək ki, “Əmanət“ yay düşərgəsi Lənkəran, Cəlilabad, Masallı və sonuncu olaraq Astara rayonunda təşkil edilib.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib