Mərkəzi Elmi Kitabxana tərəfindən Lütfi Zadənin biblioqrafik göstəricisi hazırlanıb
Bakı, 9 avqust, AZƏRTAC
AMEA-nın Mərkəzi Elmi Kitabxanası (MEK) tərəfindən yeni biblioqrafik göstərici tərtib edilib. Biblioqrafik göstərici süni intellekt sahəsində qeyri-səlis məntiq nəzəriyyəsinin banisi, dünyada məşhur alim, Azərbaycan Milli Elmlər Akademiyasının fəxri üzvü, ABŞ-ın Kaliforniya Universitetinin fəxri professoru Lütfi Zadənin (Lütfəli Rəhim oğlu Ələsgərzadə) anadan olmasının 100 illiyinə həsr olunub.
Bu barədə AZƏRTAC-a MEK-dən məlumat verilib. Bildirilib ki, nəşrin elmi redaktoru MEK-in baş direktoru professor Məmməd Əliyev, redaktoru Biblioqrafiya şöbəsinin müdiri Əməkdar mədəniyyət işçisi Xuraman İsmayılova, tərtibçisi baş biblioqraf Mahnur Həsənovadır. Göstəricidə Lütfi Zadənin həyatı, elmi fəaliyyəti, məqalələr və konfrans materialları, kitabları, elm tarixində etdiyi yeniliklər və digər məlumatlar öz əksini tapıb.
Vəsait kompüter elmləri, elektrik mühəndisliyi, riyaziyyat sahəsi üzrə elmi-tədqiqat işi aparan mütəxəssislər, eləcə də geniş oxucu kütləsi üçün nəzərdə tutulub.
BDU-da Günəş aktivliyinin tədris göstəricilərinə təsiri məsələsi müzakirə olunub
AzMİU-da maarifləndirici seminar – “Plastik tullantıların təbiətə zərəri”
Kainatın bir çox sirrini açmağa imkan yaradan texnoloji yenilik
Dördüncü “Yüksəliş” müsabiqəsinə 14 min nəfərdən çox iştirakçı qeydiyyatdan keçib
“Heydər Əliyev və Azərbaycan mərasim mədəniyyəti” kitabı çapdan çıxıb