Buxarest, 8 avqust, AZƏRTAC
Rumıniyanın enerji sahəsində qabaqcıl KİV-i “Focus Energetic” Azərbaycanın Avropa İttifaqının qaz təhlükəsizliyi istiqamətində rolu barədə geniş məqalə yayıb.
AZƏRTAC xəbər verir ki, məqalədə Rusiyaya qarşı tətbiq edilən sanksiyalardan sonra Azərbaycanın Avropa İttifaqının enerji təhlükəsizliyində rolunun daha da gücləndiyi qeyd edilir. Diqqətə çatdırılır ki, TANAP-TAP qaz kəmərləri vasitəsilə Avropa istədiyi qazla təmin olacaq. BRUA və Rumıniyadan istiqamətlənən digər qaz kəmərləri, Rumıniyanın Avropanın enerji təhlükəsizliyində rolu, Rumıniyanın Transqaz şirkətinin ölkədə qaz infrastrukturuna verdiyi önəm və yatırdığı sərmayələr barədə məqalədə geniş məlumat verilib.
İqbal Hacıyev
AZƏRTAC-ın xüsusi müxbiri
Buxarest