Bakı, 6 avqust, AZƏRTAC

Fransanın “Lill” klubu heyətini yeni futbolçu ilə gücləndirib.
AZƏRTAC xəbər verir ki, Liqa 1 təmsilçisi “Tuluza”dan Bafode Diakiteni transfer edib. Bu barədə “Lill”in rəsmi saytı məlumat yayıb.
İyirmi bir yaşlı fransız müdafiəçi ilə dördillik müqavilə imzalanıb. Gənc futbolçu yeni komandasında 18 nömrəli formanı geyinəcək. “Tuluza” yetirməsinin transferindən 3 milyon avro qazanıb.
Müdafiəçi 2018-ci ildən “Tuluza”nın əsas komandasında forma geyinib. O, bu komandada 84 oyuna çıxıb.