Bakı, 6 avqust, AZƏRTAC

“Warner Bros. “Discovery” film layihələrinin bağlanması və əvvəlki rəhbərliyin planlaşdırdığı layihələrin inkişaf etdirilməməsi nəticəsində 825 milyon dollar itirib.
AZƏRTAC xəbər verir ki, şirkət filmlərinin və seriallarının keyfiyyətinin kəskin şəkildə aşağı düşdüyünü etiraf edib.
“Batgirl” filminin yaradıcılarına layihənin post-prodakşn mərhələsində olmasına baxmayaraq, irəli getməyəcəyi bildirilib. Şirkətdəki bəzi mənbələr filmin vergilərə qənaət etmək üçün dayandırıldığını güman edir. “Warner Bros. Discovery” şirkətinin rəhbərliyi artıq xərcləri 3 milyard dollar azaltmaq niyyətində olduğunu açıqlayıb.