Dünya çempionatında uğur qazanan güləşçilərimiz Gəncədə coşqu ilə qarşılanıblar
Gəncə, 6 avqust, Elcan Məmmədov, AZƏRTAC
Gəncə güləş məktəbinin yetirmələri Vasif Bağırov, Bəşir Verdiyev və Hüseyn Savadov İtaliyanın paytaxtı Roma şəhərində keçirilən sərbəst və yunan-Roma güləşi üzrə dünya çempionatında uğur qazanıblar. Belə ki, Vasif Bağırov sərbəst güləş üzrə 48 kiloqram çəki dərəcəsində birinci, Bəşir Verdiyev 45 kiloqram çəki dərəcəsində ikinci, Hüseyn Savadov yunan-Roma güləşi üzrə 45 kiloqram çəki dərəcəsində üçüncü yerə layiq görülüblər.
Şəhərin Gənclər və İdman Baş İdarəsindən AZƏRTAC-ın bölgə müxbirinə verilən məlumata görə, uğurlu nəticələr əldə edərək Vətənə qayıdan güləşçilərimiz Gəncədə coşqu ilə qarşılanıblar. Gəncənin Heydər Əliyev Park-Kompleksində, “Zəfər Tağı”nın önündə təşkil olunan qarşılanma mərasimində Gəncə Şəhər Gənclər və İdman Baş İdarəsinin rəisi Həmid Nəsirov və şəhərin idman ictimaiyyətinin nümayəndələri iştirak ediblər. Onlar idmançılarımızı dünya çempionatında uğurlu nəticə əldə etmələri münasibətilə təbrik edib, gələcək yarışlarda uğurlar arzulayıblar.
Qeyd edək ki, yunan-Roma güləşi üzrə dünya çempionatında ilk dəfədir ki, Gəncə şəhərinin yetirməsi dünya mükafatçısı adını qazanır.
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib
Qızılhacılı kəndinin sakinləri doğma yurdlarının qaytarılmasının sevincini yaşayırlar VİDEO
Şəkidə “Şahin” hərbi-idman oyununun zona birinciliyinin qalibi müəyyənləşib
Naxçıvanda 1969-1987-ci illərdə 21 iri sənaye müəssisəsi istifadəyə verilib