Sarayevo, 6 avqust, AZƏRTAC

Bosniya və Herseqovinanın inzibati vahidi olan Bosniya və Herseqovina Federasiyasında COVID-19 epidemiyasının altıncı dalğası fonunda yeni qaydalar qüvvəyə minib.
AZƏRTAC xəbər verir ki, Bosniya və Herseqovina Federasiyasının federal hökuməti ötən həftələrdə COVID-19 infeksiyasına yoluxma halların artması ilə əlaqədar bütün tibbi və sosial xidmət müəssisələrində qoruyucu maska taxmağı məcburi edib.
Bir ay müddətinə qüvvədə qalacaq qaydalar çərçivəsində vaksinasiya prosesinin sürətləndirilməsi də nəzərdə tutulur. Belə ki, peyvənd məntəqələrinin yenidən açılması ilə bağlı göstəriş verilib.
Ölkədəki iki inzibati vahiddən biri olan Serb Respublikasında isə epidemiyanın yeni dalğası ilə əlaqədar hələ ki, heç bir qərar qəbul olunmayıb.
Nihad Budaqov
AZƏRTAC-ın xüsusi müxbiri
Sarayevo