Rusiya və Türkiyə prezidentlərinin görüşü artıq üç saatdır davam edir
Moskva, 5 avqust, AZƏRTAC
Soçidə Rusiya və Türkiyə prezidentləri Vladimir Putin və Rəcəb Tayyib Ərdoğan arasında görüş 3 saatdır davam edir.
AZƏRTAC xəbər verir ki, məhdud tərkibdə görüş “Rus” sanatoriyasında keçirilir.
Görüşdən əvvəl tərəflər mətbuat qarşısında bir-birini salamlayıblar. Prezident V.Putin türkiyəli həmkarına Ukrayna taxılının limanlardan daşınması və Rusiya ərzağının ixracına dair İstanbul sazişinin imzalanmasında səylərinə görə təşəkkür edib. Onun sözlərinə görə, Avropa Rusiya qazının fasiləsiz tranziti üçün Türkiyə liderinə minnətdar olmalıdır.
Rusiya Prezidenti ümidvar olduğunu bildirib ki, danışıqların nəticələrinə görə ticarət-iqtisadi əlaqələrin inkişafına dair memorandum imzalamaq mümkün olacaq.
Prezident Rəcəb Tayyib Ərdoğan bu danışıqların Rusiya ilə münasibətlərdə yeni səhifə açacağına ümidvar olduğunu bildirib.
Görüşdən sonra prezidentlərin mətbuata açıqlama verəcəkləri gözlənilmir. Rusiya Prezidentinin mətbuat katibi D.Peskov Baş nazirin müavini Aleksandr Novakın jurnalistlərlə ünsiyyətdə olacağını və görüşün yekunları barədə məlumat verəcəyini bildirmişdi.
Xatırladaq ki, sonuncu dəfə prezidentlər Vladimir Putin və Rəcəb Tayyib Ərdoğan iyulun 19-da Tehranda “Astana formatında” üçtərəfli sammitdə görüşmüşdülər.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır