Bakı, 5 avqust, AZƏRTAC

Stolüstü tennis üzrə Azərbaycan millisi V İslam Həmrəyliyi Oyunlarında iştirak üçün Türkiyənin Konya şəhərinə yola düşüb. AZƏRTAC xəbər verir ki, yarışda milli komandamızın üzvləri Ləman Əbdülhəmidova, Adil Əhmədzadə, Nihad Məmmədov, Vəzir Allahverdiyev, Emin Məmmədov, Zemfira Mikayılova, Mərziyyə Nurmətova, Nəzakət Qarayeva iştirak edəcəklər.
Beynəlxalq dərəcəli hakim Zaur Mikayılov isə görüşləri idarə edəcək.
Qeyd edək ki, V İslam Həmrəyliyi Oyunlarında stolüstü tennis yarışları avqustun 7-dən 11-dək keçiriləcək.