Ağsuda heyvandarlıq məhsulları istehsalında dinamik artım davam edir
Ağsu, 5 avqust, AZƏRTAC
Ağsu rayonunun heyvandarları ilin yeddi ayını uğurlu nəticələrlə başa vurublar. Belə ki, bütün göstəricilər üzrə məhsul istehsalı artıb.
Rayon dövlət statistika idarəsindən AZƏRTAC-ın bölgə müxbirinə verilən məlumatda bildirilir ki, cari ilin yeddi ayında diri çəkidə ət istehsalı ötən ilin eyni dövrü ilə müqayisədə 48 ton artaraq 2917 tona çatıb. Süd istehsalı da 158 ton çoxalıb və 18 min 235 ton olub. Yeddi ay ərzində yumurta istehsalı 170 min ədəd artaraq 8 milyon 697 min ədədə, yun istehsalı isə 4 ton artaraq 322 tona çatıb.
Qeyd edək ki, heyvandarlıq bölgədə aqrar sahənin aparıcı sahələrindəndir. Son illər rayonda heyvandarlıq məhsulları istehsalında dinamik artım davam edir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb