“Danışır Şuşa!” radioproqramı altı aydır ki, efirə çıxır
Bakı, 2 avqust, AZƏRTAC
Prezident İlham Əliyev Qarabağın tacı olan Şuşanın xalqımız üçün tarixi əhəmiyyətini, yüksək mədəni-mənəvi dəyərini nəzərə alaraq 2022-ci ili “Şuşa İli” elan edib.
AZƏRTAC xəbər verir ki, bununla əlaqədar tədbirlər çərçivəsində həyata keçirilən layihələrdən biri də Mədəniyyət Nazirliyi, nazirlik yanında Mədəni İrsin Qorunması, Bərpası və İnkişafı üzrə Dövlət Xidməti, “AzerNyuMedia” şirkəti və “Avto FM”-in birgə gerçəkləşdirdiyi “Danışır Şuşa!” radioproqramıdır. Proqram hər həftənin cümə günü “107.7 FM” dalğasında yayımlanır.
Bu ilin fevral ayından efirə gedən proqram “Unutma”, “Qafqaz mirvarisi”, “Şuşa kimi tarix”, “Şuşa tərzi” və “Zəfər yolu” adlı beş rubrikadan ibarətdir. Proqramda Azərbaycanın mədəniyyət paytaxtı Şuşanın tarixindən, adət-ənənələrindən, bu şəhərdə dünyaya göz açmış və onunla əbədi bağlılığı olan şəxsiyyətlərin həyat yolundan bəhs edilir.
"AZMAN HOLDİNQ" möhtəşəm Zəfər nəticəsində işğaldan azad edilmiş qədim və tarixi şəhər – Azərbaycanın mədəniyyət paytaxtı Şuşa ilə bağlı layihəyə dəstək verməkdən məmnundur.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir