Rusiya Mərkəzi Bankı xarici valyutanın nağd şəkildə çıxarılmasına məhdudiyyətlərin müddətini uzadıb
Moskva, 1 avqust, AZƏRTAC
Rusiya Mərkəzi Bankı hesabdan xarici valyutanın nağd şəkildə çıxarılmasına məhdudiyyətlərin müddətini daha 6 ay, 2023-cü il martın 9-dək uzadıb.
AZƏRTAC xəbər verir ki, gələn ilin martınadək hesabdan yalnız 10 min dollar və ya avroyadək nağd vəsait çıxarılmasına icazə veriləcək. Əlavə vəsaiti isə rublla həmin günün valyuta kursuna uyğun nağdlaşdırmaq olar.
Rusiya Mərkəzi Bankının yaydığı məlumatda deyilir ki, məhdudiyyətlər Rusiyaya qarşı sanksiyalarla əlaqədar tətbiq olunur. Belə ki, Rusiya maliyyə institutlarına Qərb ölkələrindən nağd valyuta almaq qadağan edilib.
Bundan əlavə, ölkədə xarici valyuta alışına da məhdudiyyətlər qüvvədədir. Banklar vətəndaşlara yalnız 2022-ci il aprelin 9-dək daxil olmuş avro və ya dolları sata bilərlər. Digər valyutaların satışına məhdudiyyət yoxdur.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır