×
A
A
A
Sazlamalar

Türkiyənin xarici işlər naziri Özbəkistana səfər edəcək

Kahramanmaraş, 1 avqust, AZƏRTAC

Türkiyənin xarici işlər naziri Mövlud Çavuşoğlu avqustun 2-də Özbəkistana səfər edəcək.
AZƏRTAC xəbər verir ki, məlumatı Türkiyənin Xarici İşlər Nazirliyi yayıb.
Bildirilib ki, nazir Mövlud Çavuşoğlunun səfərinin əsas məqsədi Daşkənddə keçiriləcək Azərbaycan, Türkiyə və Özbəkistanın xarici işlər, ticarət və nəqliyyat nazirlərinin üçtərəfli görüşündə iştirak etməkdir.
Nazirlər Xəzər dənizindən keçməklə Orta Dəhliz başda olmaqla, üç ölkə arasında gündəlikdə aktual duran məsələləri koordinasiya etmək və ortaq əməkdaşlıq üçün digər məsələlərin müzakirəsi üçün bir araya gələcəklər.
Sabir Şahtaxtı
AZƏRTAC-ın xüsusi müxbiri
Kahramanmaraş

Dünya 2022-08-01 12:30:00