Bakı, 26 iyul, AZƏRTAC

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin 1 nömrəli filialında oxucuların asudə vaxtının səmərəli təşkili haqqında növbəti “İnformasiya saatı” keçirilib.
Kitabxanadan AZƏRTAC-a bildirilib ki, kitabxananın əməkdaşı Aytən Məmmədova yay aylarında oxucuların kitabxanalara cəlb olunması, mütaliə marağının artırılması istiqamətində görülən işlər haqqında məlumat verib.
O bildirib ki, oxucuların asudə vaxtını zənginləşdirmək üçün kitabxanalarda onların müxtəlif bacarıq və əl qabiliyyətini, sevimli məşğuliyyətini, maraq dairəsinə uyğun olan əyləncələrini nəzərə almaq təqdirəlayiqdir. Bununla yanaşı, təşkil olunmuş asudə vaxt müddətində oxucu Ülkər Quluzadənin gitara ifaları maraq doğurub.