×
A
A
A
Sazlamalar

“TEKNOFEST Azərbaycan” festivalında iştirak edən könüllülər mükafatlandırılıb

Bakı, 5 iyul, AZƏRTAC

Rəqəmsal İnkişaf və Nəqliyyat Nazirliyinin (RİNN) təşəbbüsü ilə fəaliyyət göstərən İnnovativ Könüllülər “TEKNOFEST Azərbaycan” Aerokosmik və Texnologiya Festivalı zamanı 4 gün ərzində təşkilati işlərdə dəstəyinə görə mükafatlandırılıb.
Nazirlikdən AZƏRTAC-a bildirilib ki, RİNN-nin Aparat rəhbərinin müavini Asif İsmayılov və nazirin müşaviri Rəşad Bayramov gəncləri keçdikləri bu təcrübə münasibətilə təbrik edərək, göstərdikləri təşəbbüsün önəmini diqqətə çatdırıblar. Gələcəkdə də bu kimi önəmli layihələrdə birgə fəaliyyətin davam etdiriləcəyinə əminlik ifadə olunub.
Bir sıra ali təhsil müəssisələrinin fəal tələbələrindən formalaşan İnnovativ Könüllülərə sertifikat və hədiyyələr təqdim edilib.

İKT 2022-07-05 19:27:00