Bakı, 4 iyul, AZƏRTAC

Özəl ali təhsil müəssisələri arasında yüksək hazırlıqlı abituriyentlər Xəzər Universitetinə üstünlük veriblər. Ötən il bu universitetin ixtisaslarına qəbul olan abituriyentlərin orta bal göstəricisi I qrup üzrə 450.492, II qrup üzrə 357.760, III qrup üzrə 390.707, IV qrup üzrə 385.774 olub.
AZƏRTAC xəbər verir ki, bu məlumat 2021/2022-ci tədris ili üçün Azərbaycan Respublikasının ali və orta ixtisas təhsil müəssisələrinə tələbə qəbulu və ümumtəhsil müəssisələri üzrə buraxılış imtahanları ilə bağlı Dövlət İmtahan Mərkəzinin elmi-statistik hesabatında yer alıb.
Hesabatda bildirilir ki, digər özəl ali təhsil müəssisələrinə və regionlarda fəaliyyət göstərən dövlət ali təhsil müəssisələrinə qəbul olan abituriyentlərin orta bal göstəriciləri isə aşağı olub.