“Atletiko Madrid”dən ayrılan Şime Vrsalko Yunanıstan klubu ilə üçillik müqavilə imzalayıb
Bakı, 3 iyul, AZƏRTAC
“Atletiko Madrid” futbol klubundan ayrılan Şime Vrsalkonun yeni komandası müəyyənləşib.
AZƏRTAC xəbər verir ki, xorvatiyalı futbolçu karyerasını “Olimpiakos”da davam etdirəcək.
Bu barədə Yunanıstan klubunun rəsmi saytı məlumat yayıb. Xorvatiya millisinin üzvü ilə üçillik müqavilə imzalanıb. Müdafiəçi yeni komandasına azad agent kimi keçib.
Futbolçu ötən mövsüm İspaniya La Liqasında 21 oyunda meydana çıxıb, 1 qol vurub və 2 məhsuldar ötürmə edib.
O, əvvəllər Zaqreb “Dinamo”su, “Cenoa”, “Sassuolo”, İnter” klublarında da oynayıb.
Müdafiəçi 2018-ci ildə Xorvatiya millisinin heyətində dünya çempionatının gümüş medalını qazanıb.
Superliqa klubu tanınmış futbolçunu heyətdən kənarlaşdırıb
“Murov Az Terminal”ın kapitanı: “Neftçi”ni məğlub edərək finala çıxmaq sürpriz deyildi
Azərbaycan Liqası: Çempionluğa iddialı komandalar Mingəçevirdə üz-üzə gələcək
Kişi şahmatçıların Azərbaycan çempionatında yarımfinalçıları bəlli olub
Bakıda bədii gimnastika üzrə Dünya Kubokunun ikinci gününə start verilib