Bakı, 2 iyul, AZƏRTAC
“The Shining” və "Blade Runner" filmlərindən tanıdığımız Co Turkel pərəstişkarlarını tərk edib.
AZƏRTAC xarici KİV-yə istinadən xəbər verir ki, amerikalı aktyor 94 yaşında Santa Monika şəhərində (Kaliforniya) yerləşən xəstəxanada dünyasını dəyişib.
Co Turkel tanınmış rejissor Stenli Kubrikin filmlərində ikinci planda olan rolları ilə şöhrət qazanıb. Aktyor daha çox "The Killing", "Paths of Glory" və "The Shining" tammetrajlı filmində Lloyd adlı müəmmalı barmen obrazı ilə yadda qalıb.
Aktyorluq etməzdən əvvəl o, 17 yaşında ABŞ ordusuna qoşulmuş, İkinci Dünya müharibəsi zamanı Avropada xidmət etmişdir.