Bakı, 2 iyul, AZƏRTAC

“İctimai sağlamlıq üçün davam edən təhlükə və xəstəliyin sürətlə genişlənməsi səbəbindən ÜST meymunçiçəyi riskini diqqətdə saxlayır. Avropada meymunçiçəyi virusuna yoluxanların sayı son iki həftədə üç dəfə artıb və 4500-ü keçib, infeksiyanın yayılmasına qarşı təcili tədbirlər görülməlidir”.
AZƏRTAC Ümumdünya Səhiyyə Təşkilatına (ÜST) istinadla bildirir ki, bunu ÜST Avropa üzrə regional direktoru Hans Kluge deyib.
“Meymunçiçəyi virusuna yoluxanların 90 faizi Avropa regionunda qeydə alınıb. Yoluxma hallarının əksəriyyəti 21-40 yaş arası insanlardır. Onların 99 faizi kişilərdir. Xəstələrin təxminən 10 faizi müalicə və təcrid üçün xəstəxanaya yerləşdirilib. Onlardan biri reanimasiya şöbəsindədir”.