Türkiyənin Milli Müdafiə Universitetində Azərbaycanın hərbi qulluqçularına diplomlar təqdim edilib
İstanbul, 1 iyul, AZƏRTAC
İstanbulda Türkiyənin Milli Müdafiə Universitetinin növbəti buraxılışına həsr olunan mərasim keçirilib. Ümumilikdə 14 ölkəni təmsil edən 77 hərbi qulluqçu məzun adını qazanıb. Türkiyə Böyük Millət Məclisinin sədri Mustafa Şentop, milli müdafiə naziri Hulusi Akar və qoşun komandanlarının müşayiəti ilə keçirilmiş buraxılış mərasimində Türkiyə Prezidenti Rəcəb Tayyib Ərdoğan nitq söyləyib. Məzunları ən səmimi sözlərlə təbrik edən dövlət başçısı onlara ən xoş arzularını çatdırıb, hərbi xidmətlərində müvəffəqiyyətlər diləyib.
AZƏRTAC xəbər verir ki, Azərbaycan və Türkiyə arasında hərbi təhsil sahəsində bağlanmış müqaviləyə əsasən, təhsil proqramı üzrə Müştərək Qərargahların idarə edilməsi və Qərargah zabitinin hazırlığı üzrə kursları müvəffəqiyyətlə bitirən Azərbaycan Ordusunun 34 hərbi qulluqçusuna diplomlar təqdim edilib.
Diplomlarını alan zabitlərimizə Azərbaycan Ordusu Komandanlığının təbriklərini çatdıran Azərbaycanın Türkiyədəki səfirliyinin nəzdində Silahlı Qüvvələrin Hərbi attaşesi polkovnik Müşfiq Məmmədov onlara Azərbaycan Ordusunun müdafiə qüdrətinin inkişafı naminə gələcək şərəfli xidməti fəaliyyətlərində uğurlar arzulayıb.
Sabir Şahtaxtı
AZƏRTAC-ın xüsusi müxbiri
İstanbul
Hərbi liseyin 53 illik yubileyinə həsr olunmuş təntənəli mərasim keçirilib VİDEO
"Xəzər səması-2024" birgə taktiki təlimi keçirilib VİDEO
Hərbi pilotlar təlim-məşq uçuşlarını yüksək peşəkarlıqla icra ediblər VİDEO
Əlahiddə Ümumqoşun Ordunun Hərbi Hava Qüvvələrində taktiki-xüsusi təlim keçirilib VİDEO