Podqoritsa, 1 iyul, AZƏRTAC

Monteneqroda son iki həftədə COVID-19 infeksiyasına yoluxma halları 130 faiz artıb.
AZƏRTAC xəbər verir ki, Səhiyyə İnstitutunun məlumatına görə, turizm mövsümü ilə əlaqədar ölkədə, xüsusilə sahil zolağında COVID-19-a yoluxma hallarında artım qeydə alınıb.
Səhiyyə müəssisələri hökumətdən insanların sıx olduğu yerlərdə qoruyucu maskalardan istifadənin məcburi olmasını tələb ediblər.
Səhiyyə Nazirliyi isə risk qrupunda olanları COVID-19 əleyhinə peyvənd olunmağa çağırıb.

Nihad Budaqov
AZƏRTAC-ın xüsusi müxbiri
Podqoritsa