AzTU əməkdaşları Bakı məktəblərinin XI sinif şagirdləri ilə görüşüb
Bakı, 1 iyul, AZƏRTAC
Azərbaycan Texniki Universitetinin (AzTU) əməkdaşlarının respublikanın şəhər və rayonlarında texniki yönümlü ixtisaslara marağı olan XI sinif şagirdləri ilə görüşü keçirilib.
AzTU-dan AZƏRTAC-a bildirilib ki, Bakının Nizami, Sabunçu, Xətai, Suraxanı, Xəzər və Pirallahı rayonlarının ümumtəhsil müəssisələrində təhsil alan XI sinif şagirdləri ilə onlayn təşkil edilən görüşlərdə məktəblərin rəhbərliyi, müəllimlər və valideynlər iştirak ediblər.
Əvvəlcə AzTU-nun tanıtım videoçarxı nümayiş olunub. Daha sonra əməkdaşlar universitetdə görülən işlər, həyata keçirilən yeniliklər barədə təqdimatla çıxış ediblər. Universitetin tarixi, fakültələri, ixtisasları, beynəlxalq əlaqələri, ikili diplom proqramları, laboratoriyaları, karyera imkanları və digər vacib məlumatlar slaydlar vasitəsilə məktəblilərin diqqətinə çatdırılıb.
Məktəb direktorları və müəllimlər AzTU ilə əməkdaşlıqdan məmnunluqlarını ifadə edib, həmçinin universitetin ətraflı təqdimatına görə təşəkkürlərini bildiriblər.
Sonda şagirdlərin və valideynlərin sualları cavablandırılıb.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır