Bakı, 1 iyul, AZƏRTAC

2022-ci ildə magistraturaya keçirilən qəbul imtahanlarında ümumilikdə 20 min 822 bakalavr iştirak edib. Ötən il müvafiq göstərici 22 min 7 nəfər idi.
AZƏRTAC xəbər verir ki, bu barədə Dövlət İmtahan Mərkəzinin magistraturaya qəbul imtahanlarının nəticələri ilə bağlı təqdim etdiyi statistik göstəricilərdə məlumat verilib.
Xatırladaq ki, ali təhsil müəssisələrinin və AMEA-nın magistraturalarına qəbul imtahanları bu il də 2 dəfə - fevralın 20-də və mayın 29-da keçirilib.