Yaponiya ilə ABŞ birgə təlimlər keçirib
Tokio, 1 iyul, AZƏRTAC
İyunun 29-da Yaponiya özünümüdafiə qüvvələri ilə ABŞ hərbçiləri birgə təlimlər keçiriblər. Təlimlər hərbi təyyarələrin iştirakı ilə Yapon və Şərqi Çin dənizləri üzərində baş tutub.
AZƏRTAC xəbər verir ki, bu barədə Yaponiya özünümüdafiə qüvvələrinin saytında iyulun 1-də yerləşdirilən məlumatda qeyd edilir. Bildirilir ki, təlimlərdə Yaponiya tərəfdən səkkiz F-15 və dörd F-2 qırıcısı, ABŞ tərəfdən isə iki B-1 strateji bombardmançı təyyarəsi iştirak edib.
Qeyd edilir ki, təlimlərin məqsədi Yaponiya-ABŞ hərbi alyansını daha da gücləndirməkdir.
Kyodo agentliyinin yaydığı məlumatda isə bu təlimlər ABŞ və Yaponiyanın son vaxtlar regionda artan hərbi fəallığa reaksiyası kimi təqdim edilir.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır