İspaniya hökuməti müdafiə xərclərini ÜDM-in 2 faizi səviyyəsinə yalnız 2030-cu ildə çatdıra bilər
Madrid, 30 iyun, AZƏRTAC
2014-cü ildə Şimali Atlantika Alyansının üzvü olan ölkələr 10 il ərzində müdafiə xərclərini ÜDM-in 2 faizi səviyyəsinə çatdırmaq öhdəliyi götürüblər.
AZƏRTAC xəbər verir ki, İspaniyanın Baş naziri Pedro Sançes NATO-nun Madrid sammitində çıxış edib. O bildirib ki, ölkənin müdafiə xərcləri ÜDM-in 2 faizi səviyyəsinə yalnız 2028-2030-cu illərdə çata bilər. Bu halda İspaniyanın müdafiə xərcləri (hazırda bu xərclər təqribən 10 milyard avroya bərabərdir) praktiki olaraq iki dəfə artacaq.
NATO-nun məlumatına görə 2021-ci ildə İspaniya müdafiə xərcləri üçün ÜDM-in 1,03 faizinə ekvivalent məbləğ ayırıb. Beləliklə, İspaniya Alyansın üzvü olan ölkələr arasında həmin göstərici üzrə axırdan ikinci yerdədir. Krallıq bu göstəriciyə görə yalnız Lüksemburqdan irəlidədir.
Nigar Cəfərli
AZƏRTAC-ın xüsusi müxbiri
Madrid
“Google” İsrail əleyhinə aksiya keçirən 28 əməkdaşını işdən çıxarıb
Pekin Blinkenin Çinə qarşıdakı səfərini yüksək qiymətləndirir
Çin Fələstinin BMT-yə tam üzvlüyünü dəstəkləyir
Qətər İsrail ilə HƏMAS arasında vasitəçilik missiyasını yenidən nəzərdən keçirəcək
Almaniya polisi insan qaçaqmalçılığına qarşı miqyaslı əməliyyat keçirir