Bakı, 29 iyun, AZƏRTAC

“Davam” Gənclər Hərəkatının təşkilatçılığı ilə "New Media Hub" platforması çərçivəsində təlimlər davam edir.
“Davam” Gənclər Hərəkatından AZƏRTAC-a bildiriblər ki, növbəti təlim “Bizim media” informasiya portalının baş redaktoru Anar Tahirov tərəfindən keçirilib.
Təlim zamanı Anar Tahirov "Yeni media jurnalistikası" adlı mövzu ilə bağlı öz təcrübəsini gənclərlə bölüşüb, onlara jurnalistika ilə bağlı bir sıra faydalı məsləhətlər verib.
Səmimi söhbət əsnasında gənclərin çoxsaylı sualları cavablandırılıb, fikirləri dinlənilib.
Qeyd edək ki, "New Media Hub" layihəsi Azərbaycan Gənclər Fondunun dəstəyi ilə icra edilir.