Bakı, 29 iyun, AZƏRTAC

Əmək və əhalinin sosial müdafiəsi nazirinin müavini Hidayət Abdullayev Şəmkir rayonunda həmin rayonun sakinlərini qəbul edərək müraciətlərini dinləyib.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, onların sırasında şəhid ailələrinin üzvləri və müharibə veteranları da olub.
Nazirliyin səlahiyyət dairəsinə aid müraciətlər cavablandırılaraq, qaldırılan məsələlərin həlli ilə əlaqədar tədbirlər görülüb. Sorğu xarakterli müraciətlərlə bağlı izahatlar verilib.
Qəbuldan əvvəl bu barədə və qəbula necə yazılmaq barədə müvafiq məlumatlandırma aparılıb.